З крыніц натхнення
Аўтар — былы настаўнік беларускай мовы, вялікі аматар роднага слова.
Гэта абумовіла і гучанне вершаваных твораў, якія ўвайшлі ў кнігу: усе
яны беларускамоўныя, па-сапраўднаму патрыятычныя, навеяныя роднымі
вобразамі і краявідамі. Тэмы, адлюстраваныя ў зборніку, дастаткова
разнастайныя: гэта і Вялікая Айчынная вайна, і звычайнае паўсядзённае
жыццё, і прыгажосць прыроды, і памяць аб родных людзях.
Зборнік Міхася Валько “Позні вырай” у хуткім часе паступіць у
бібліятэкі раёна, а таксама яго можна набыць у друкарні.
Укладальнікам і рэдактарам кнігі выступіў калега аўтара па паэтычным
цэху, член Саюза пісьменнікаў Беларусі, наш зямляк Міхась Сазончык.
Соф’я ЛЮБАНЕЦ