НЕСВИЖ - ТАЙНА ИСТОРИИ.

Сапраўднае свята падрыхтавалі для жыхароў Нясвіжа творчыя калектывы ўстаноў культуры раёна ў Ражджаство. Тых, хто ў гэты дзень прыйшоў на Ратушную плошчу, чакала яскравае каляднае свята. Дзяды Марозы, снягуркі, зайцы, козы, цыганкі кружылі стракатым карагодам вакол галоўнай ёлкі раёна. А Гаспадар і Гаспадыня сустракалі калядоўшчыкаў на сцэне, дзе і праходзіла асноўнае дзейства: святочныя спевы, сцэнкі, конкурсы.

Але не аднымі відовішчамі частавалі ў гэты дзень несвіжан: клубнае аб'яднанне "Дбайныя гаспадынькі" Ланскага СДК, гандлёвыя кропкі КУП "Магазін № 3 г.Нясвіжа" і райспажыўтаварыства прыгатавалі для іх духмяныя блінцы і іншыя прысмакі. Усё гэта разам паспрыяла таму, што, нягледзячы на пераменлівае зімовае надвор'е, свята атрымалася светлым і цёплым і сабрала шмат гледачоў.