О районе

Главная » 2009 » Декабрь » 4 » Касмовіч Вера Сямёнаўна

---

Касмовіч Вера Сямёнаўна	05:39
Касмовіч Вера Сямёнаўна, вязень ГУЛАГу, удзельніца Кенгірскага паўстання 1954 г. Нарадзілася ў 1928 г. у мястэчку Гарадзея Нясвіжскага павету Навагрудскага ваяводства, Польшча, цяпер Нясвіжскі раён Мінскай вобласці. Падчас нямецкай акупацыі вучылася ў Нясвіжскай настаўніцкай семінарыі. Пасля вайны ўзяла шлюб з настаўнікам Яўгенам Касмовічам. Неўзабаве пасля шлюбу мужа арыштавалі (1949) па справе «Саюза змагання за незалежнасць Беларусі». Па гэтай справе 15.1.1949 арыштавалі і Веру Сямёнаўну. У мінскай турме, якую ў народзе называюць «валадарка» (па назве вуліцы, на якой яна знаходзіцца), у яе нарадзілася дачка Люся (з ёю на руках Вера Касмовіч неяк стаяла на допыце перад Цанавам). Асуджана 31.5.1949 за «сувязь з антысавецкай арганізацыяй» да 10 гадоў папраўча-працоўных работ і 5 гадоў пазбаўлення правоў. Этапавана ў Карагандзінскі канцлагер Казахскай ССР. 22.10.1955 тэрмін пакарання быў зніжаны да 5 гадоў і Касмовіч вызвалілі. Вярнулася ў Беларусь. Рэабілітавана ваеннай калегіяй Вярхоўнага суда БССР 24.8.1967. Жыве ў Гарадзеі на Нясвіжчыне. Асабовая справа К. № 19811-с захоўваецца ў архіве КДБ Беларусі.
Категория: Городея | Просмотров: 628 | Добавил: nesvizh1223 | Рейтинг: 5.0/1 | - Оценить - Отлично Хорошо Неплохо Плохо Ужасно

Всего комментариев: 0