Альба [5] |
Бол. Лысица [4] |
Великая Липа [6] |
Городея [14] |
Грусково [2] |
Друцковщизна [1] |
Дубейки [2] |
Заозерье [1] |
Затурья [3] |
Заушье [1] |
Куноса [1] |
Лань [10] |
Леоновичи [17] |
Макаши [3] |
Мал. Быховщина [1] |
Малево [2] |
Мацилевщина [2] |
Нов. Новоселки [1] |
Оношки [8] |
Островки [3] |
Плешевичи [2] |
Погорельцы [1] |
Прости [2] |
Рудавка [1] |
Сейловичи [4] |
Славково [1] |
Снов [25] |
Солтановщина [3] |
Сычи [1] |
Ужанка [1] |
Юшевичи [5] |
Город Реутов, Московская область. Россия
Город Росолини, Область Сицилия, Италия
Город Пулавы, Люблинское воеводство, Польша
Город Злотув, Великопольское воеводство, Польша
Город Одолянов, Великопольское воеводство, Польша
Город Горис, Область Сюник, Армения
Город Лайхинген, земля Баден-Вюртембер, Германия
Распачалася рэстаўрацыя капліцы-пахавальні ў вёсцы Прасці | 05:32 |
27.10.2009
Рэшткі гістарычных архітэктурных збудаванняў, якіх шмат засталося на тэрыторыі Беларусі, заключаюць у сабе лёс краіны, яе гісторыю і чакаюць свайго адраджэння. Вясною 2009 г., дзякуючы намаганням кс. Ігара Лашука SDB, распачалася рэстаўрацыя аднаго з такіх збудаванняў — капліцы-пахавальні ў в. Прасці (Нясвіжскі раён). Працы вядуцца на аснове праектаў архітэктара Аляксея Яроменкі. У сувязі з адсутнасцю ў архівах арыгінальных дакументаў рэстаўрацыя вядзецца на аснове ўскосных звестак і па аналагах. Пра гісторыю капліцы апавядае кс. Ігар Лашук. Капліца
ў в. Прасці (Нясвіжскі раён) была пабудавана прыкладна ў 1850 г. Гэты
час быў вельмі складаным для нашага грамадства і ўвогуле для каталіцкай
веры ў гэтых мясцінах. Як вядома, у 1839 г. на Полацкім саборы па
ініцыятыве тагачаснага праваслаўнага епіскапа Сямашкі была скасавана
унія, пасля чаго распачаліся пераследы уніяцкай Царквы. У капліцы праводзіліся набажэнствы паводле лацінскага абраду. Вядома, што многія уніяты наведвалі касцёл і пераходзілі ў рыма-католікі, хоць гэта было забаронена. Калі б ксёндз пахаваў, павянчаў ці ахрысціў уніята, то гэта лічылася б вялікім злачынствам, за чым царскія ўлады пільна сачылі. Гісторыя ўзнікнення капліцы ў в. Прасці вельмі цікавая і невыпадковая, бо ва ўсім адчуваўся Божы Провід — капліца пэўны час была адзіным месцам малітвы для вернікаў каталіцкага веравызнання ў гэтых мясцінах. Вядома, што ў 1864 г. быў зачынены, а пазней перароблены ў праваслаўную царкву касцёл у Ішкалдзі. Бліжэйшая рыма-каталіцкая святыня была ў Нясвіжы — касцёл Божага Цела (пахавальня Радзівілаў). Усе астатнія нясвіжскія касцёлы былі зачынены, уключаючы кляштар бэнэдыктынак. Як вядома з гісторыі, сёстры бэнэдыктынкі загінулі, а іх целы былі кінуты ў яму і заліты вапнаю. Сярод сясцёр была таксама княгіня Радзівіл, якая з’яўлялася настаяцельніцаю кляштара. Былі зачынены касцёлы дамініканаў і бэнэдыктынаў. Такім чынам, як бачым, капліца ў Прасцях была своеасаблівым месцам рыма-каталіцкага культу ў гэтых мясцінах пасля скасавання уніі, пасля закрыцця ішкалдскага касцёла. Святыня ў Ішкалдзі была ізноў адчынена пасля падзення Расійскай імперыі. З тых часоў і распачалося сапраўднае адраджэнне каталіцкага веравызнання на гэтай тэрыторыі, тым больш, што дадзеныя мясціны ўваходзілі ў склад Польшчы. Пасля Другой сусветнай вайны капліца ў Прасцях была разбурана, хоць і прастаяла на працягу ўсёй вайны. Людзі апавядалі, што ў будынак толькі некалькі куль трапіла падчас перастрэлкі. На жаль, людзі, шукаючы золата, разабралі капліцу, знялі крышу, разбурылі пахавальню, знялі гранітныя пліты. Вядома, што адзін малады чалавек, у якога была жонка і дзеці, прыйшоў у капліцу, каб зняць гранітную пліту, і назаўтра яго знайшлі мёртвым. Пасля гэтага здарэння людзі баяліся нават падыходзіць да капліцы і таму проста засыпалі падвалы. Такім чынам, да капліцы больш ніхто не датыкаўся. З гадамі капліца прыйшла ў заняпад. Давялося прыкласці вялікія намаганні, каб распачаць аднаўленне капліцы. Малюся, каб удалося завяршыць распачатую справу. Калгас ахвяруе ўсё неабходнае — цэмент, пясок, лес, транспарт і інш. Пэўныя матэрыялы ахвяруюць і людзі. Праца сапраўды цяжкая. Кажуць, прасцей разабраць і пабудаваць нешта новае. У гэтай вёсцы няшмат вернікаў, але ў суседняй в. Астроўкі вельмі многа католікаў. Гэта капліца можа стаць месцам малітвы для іх і будучых пакаленняў. Кс. Ігар Лашук SDB
Даведка Капліца ў в. Прасці (Нясвіжскі р-н) належала да парафіі ў в. Паланэчка (Баранавіцкі р-н), а пазней — да парафіі ў в. Ішкалдзь (Баранавіцкі р-н). Пабудавана каля 1850 г. у эклектычным стылі, дзе спалучаюцца рысы неаготыкі і класіцызму. Будынак капліцы зроблены з цэглы на бутавым падмурку; атынкаваны. Пахавальня Пратасевічаў належыць да XVII – п. XVIIІ стст. Пратасевічы па веравызнанні былі рыма-католікамі, аднак хадзілі ў астроўскую царкву уніятаў, там жа хавалі сваіх блізкіх (капліца-пахавальня, слупок-надмагілле (п. ХІХ ст.) Марыі Пратасевіч). Пасля скасавання уніі гэтая святыня стала праваслаўнай царквой. Пазней Паратасевічы вырашылі пабудаваць капліцу бліжэй да сваёй сядзібы — у Прасцях. Капліца дзейнічала да вайны. Пры савецкай уладзе была зачынена. На сённяшні дзень захаваліся толькі яе руіны. Вясною 2009 г. распачалася рэстаўрацыя капліцы-пахавальні на аснове праектаў архітэктара Аляксея Яроменкі. На жаль, арыгінальныя дакументы ў архівах адсутнічаюць, знойдзены толькі ўскосныя звесткі. Як паінфармаваў архітэктар Аляксей Яроменка, рэстаўрацыя праводзіцца па аналагах. На капліцы плануецца ўзвесці вежу (былі знойдзены рэшткі вежы). Матэрыял сайта catholic.by | |
Категория: Прости | Просмотров: 1036 | Добавил: nesvizh1223 | Рейтинг: 5.0/2 | |
Всего комментариев: 0 | |