Альба [5] |
Бол. Лысица [4] |
Великая Липа [6] |
Городея [14] |
Грусково [2] |
Друцковщизна [1] |
Дубейки [2] |
Заозерье [1] |
Затурья [3] |
Заушье [1] |
Куноса [1] |
Лань [10] |
Леоновичи [17] |
Макаши [3] |
Мал. Быховщина [1] |
Малево [2] |
Мацилевщина [2] |
Нов. Новоселки [1] |
Оношки [8] |
Островки [3] |
Плешевичи [2] |
Погорельцы [1] |
Прости [2] |
Рудавка [1] |
Сейловичи [4] |
Славково [1] |
Снов [25] |
Солтановщина [3] |
Сычи [1] |
Ужанка [1] |
Юшевичи [5] |
Город Реутов, Московская область. Россия
Город Росолини, Область Сицилия, Италия
Город Пулавы, Люблинское воеводство, Польша
Город Злотув, Великопольское воеводство, Польша
Город Одолянов, Великопольское воеводство, Польша
Город Горис, Область Сюник, Армения
Город Лайхинген, земля Баден-Вюртембер, Германия
Сямейная дынастыя Сяргей | 17:17 |
Газета - №232-234 14 декабря 2009 Для таго, каб зразумець, што яму нідзе лепей не будзе, як на роднай зямлі, Генадзю Сяргею спатрэбілася некалькі гадоў. Пасля службы ў арміі, ужо маючы вопыт работы трактарыстам у сваім калгасе "Беларусь", ён папрацаваў вадзіцелем у Нясвіжскім аўтакамбінаце. А калі ажаніўся на дзяўчыне з суседніх Аношак, вярнуўся ў 1989 годзе ў родную гаспадарку. Сеў на новенькі ГАЗ-53. Маладая сям'я атрымала калгасны дом у вёсцы Грыцкевічы. Было гэта дваццаць гадоў таму. - Дык у вас сёлета юбілейная дата? - перапытваю ў Генадзя Мікалаевіча падчас нашай гутаркі. - Сапраўды - юбілейная… - мой суразмоўца нават здзівіўся, бо ў гарачых працоўных буднях яму неяк і ў галаву не прыходзіла думка пра такі своеасаблівы юбілей. Прыкінуў гады: - Ну да, летам споўнілася дваццаць. - І болей не хацелася ў горад? - Не. Мне там, як я звычайна кажу, паветра не хапае. А тут дыхаецца свабодна, вольна. Не люблю я ў горадзе. Цяжка асесці ў ім, пражыўшы з нараджэння гадоў 18-20 у вёсцы. Магчыма, камусьці і падабаецца. А я, калі з райцэнтра на выхадныя прыязджаў - усім цікавіўся: што ды як? Брат як раз памочнікам у бацькі працаваў… Цягнула мяне дамоў. Генадзь Сяргей дзевяць гадоў адпрацаваў у калгасе вадзіцелем. А потым прапанавалі яму новы трактар МТЗ-1221 - і перайшоў у механізатарскую сям'ю. Усё-такі справа бацькі-трактарыста, Мікалая Мікалаевіча, яго ўрокі не прайшлі бясследна. І Генадзя цягнула да трактара. Любіць выконваць розную работу, якую даручаюць: арэ, сее, убірае ўраджай. Пераканаўшыся, што чалавек ён акуратны, да тэхнікі ставіцца беражліва, зноў далі новы "Беларус" - МТЗ-2022. На ім і зараз працуе. А першае знаёмства з тэхнікай - якім яно было ў аднаго з лепшых механізатараў сённяшняга СВК "Грыцкевічы" Генадзя Мікалаевіча Сяргея? - Гэта вельмі даўно было. Можа, у класе пятым ці шостым вучыўся. Нават не бацька, а мой сусед тадышні па роднай вёсцы Нялепава, Мікалай Мікалаевіч Зінкевіч, пасадзіў за рычагі свайго Т-74, - расказвае Генадзь Мікалаевіч. - Потым ужо ў бацькі выведваў таямніцы прафесіі. Памятаю, будучы дзевяцікласнікам, я нават працаваў за бацьку. Тадышні старшыня калгаса Іван Ільіч Кузьміч пахваліў: "Маладзец". З атэстатам сталасці юнак атрымаў пасведчанне трактарыста Сноўскага вучэбна-вытворчага камбіната. Генадзь Сяргей яшчэ быў шафёрам, калі на час жніва яму прапанавалі збожжаўборачны камбайн "Дон". Першым памочнікам яго і стаў бацька. Мікалай Мікалаевіч ужо быў на пенсіі, але яшчэ пяць гадоў адпрацаваў у адным экіпажы з сынам. Калі ўзрост даў аб сабе знаць, уступіў "пасаду" памочніка камбайнера нявестцы, жонцы Генадзя. Ганна Мікалаеўна дапамагала мужу на новай "Лідзе" тры сезоны. - Апошнія ж пяць гадоў мы ўбіраем збажыну на пару з сынам Сашам. Можа, і банальна гэта гучыць, але любоў да зямлі ў 19-гадовага Аляксандра Сяргея - таксама ад бацькі. І шляхі ў прафесію ў іх падобныя. Генадзь Мікалаевіч, калі ўпершыню даверыў хлопчыку руль "Беларуса", сам сядзеў поруч. Падказваў. Пасля заканчэння школы Аляксандр узяў накіраванне ад гаспадаркі і вывучыўся на механізатара ў Капыльскім ліцэі. Адпрацаваў у "Грыцкевічах", як і патрабавалася па законе. Спадабалася. І застаўся тут. У планах пакуль што - звязаць лёс з роднымі мясцінамі. З бацькам яны цяпер працуюць на роўных. Саша арэ, сее, косіць траву. Ды і на жніве вопыт набыў. - Яму і збожжавы камбайн можна давяраць, - упэўнены бацька. - Саша, у час уборкі рана ўставаць трэба, позна класціся спаць. А як жа - пагуляць, патанцаваць, на спатканне схадзіць? Напэўна ж, дзяўчына ў цябе ёсць? - пытаюся. - Ёсць, - ківае наш малады суразмоўца. - А я, бывала, нават і не клаўся. - Смяецца. - Пераапрануся - і ў гараж. - А на рабоце гэта не адбівалася? Спаць не хацелася? - Не. - Вось што значыць - маладосць. Ды ты, напэўна, фізічна моцны, вынослівы. Якім відам спорту займаешся? - Наша Грыцкевіцкая школа знакамітая лыжнай падрыхтоўкай. У ліцэі гуляў у баскетбол. Люблю футбол, валейбол. Цікава, а які від работы любіць гэты малады механізатар з Грыцкевіч? - Араць, - адказвае Аляксандр Сяргей. - Вельмі цікава. Зямля пад плугам пераварочваецца пластамі - быццам хваля мар-ская… Глядзіш - і не налюбуешся… Характэрная рыса - камбайнеры ў СВК "Грыцкевічы" ўсе маладыя. 43-гадовы Генадзь Сяргей - самы старэйшы. Трошкі старэйшыя ёсць сярод трактарыстаў увогуле, адзін пенсіянер. А з кім побач Г.М.Сяргею цікавей, прыемней працаваць? - Усе - добрыя работнікі. На ўсіх можна паспадзявацца, - расказвае Генадзь Мікалаевіч. - А больш за ўсё вырашаем пытанні з родным братам Мікалаем і са стрыечным - Пятром Сіліцкім. Абодва - таксама механізатары. Яны маладзейшыя за мяне. Прыклад бацькі і брата Генадзя адыграў вялікую ролю ў жыцці Мікалая Сяргея. Спачатку ў яго таксама была работа ў сталіцы і райцэнтры, вучоба ў аўташколе па накіраванні калгаса, шафёрскія будні ў сваёй гаспадарцы. Калі купілі тут новы пагрузчык "ТО", Іван Ільіч Кузьміч прыкінуў, каму можна яго даверыць. А метад для агітацыі выбраў даволі своеасаблівы, мудры. У тыя часы ў калгасе "Беларусь" працавала мясцовае радыё з узмацненнем гуку на вуліцы. І вось старшыня паведаміў па ім калгаснікам, што ў яго ёсць дзве кандыдатуры на новы пагрузчык - браты Сяргей. "Але я думаю, што Коля згодзіцца, бо ў Гены машына навейшая", - сказаў старшыня. І звярнуўся да Мікалая: "Я цябе, як бацька родны, прашу…" Што заставалася маладому чалавеку? Толькі згаджацца. - Прафесіяналы, майстры сваёй справы, - так ахарактарызаваў механізатараў Сяргей старшыня СВК "Грыцкевічы" Уладзімір Уладзіміравіч Малахвей. - Гэта іменна той выпадак, калі чалавек валодае любой тэхнікай, з душой да яе адносіцца і мае добры працоўны вынік. Дарэчы, самым умалотным для Генадзя Сяргея было леташняе жніво: 1560 тон збожжа вывелі яго на першае месца па гаспадарцы. А калі работа падабаецца - ты на ёй душой адпачываеш, яна прыносіць задавальненне. Фізічна - так, цяжка, стамляешся, а ўсё ж радасна. Я лічу: калі моцна замучваешся на працы - значыць, гэта не тваё, трэба шукаць іншы занятак. Бываюць, вядома, цяжкасці. Як, напрыклад, залетась збажыну дажджамі ўбіралі. Тры бункеры нажнуць - і ў гараж. На месяц жніво зацягнулася. Зразумела, які тады быў настрой… Ды й у зарплаце страцілі. Не тое, што сёлета: за 15 дзён усё - раз! - і зжалі. За новую работу ўзяліся. Саша раздзяляе погляды бацькі. Ва ўсіх прадстаўнікоў механізатарскай дынастыі Сяргей у даным пытанні поўная згода. Калі б меркавалі інакш - не было б і дынастыі. Як усе вяскоўцы, Генадзь Мікалаевіч з жонкай трымаюць жыўнасць: свіней, курэй. Раней была і карова, але прадалі - бракавала часу яе сустракаць з пашы, даіць, выганяць, бо ўдваіх цэлымі днямі ў полі. (Ганна Мікалаеўна развозіла механізатарам абеды). Ды й дзеці выраслі, вялікай патрэбы ў малацэ не стала. (Малодшая дачка Ірына вучыцца ў 11 класе). - Бацькі трымаюць карову, а мы ім дапамагаем, - тлумачыць Генадзь Мікалаевіч. - Калі захочацца малака - пае-дзем да мамы ў Нялепава і возьмем. Маці Генадзя і Мікалая - Таццяна Уладзіміраўна - працавала ў жывёлагадоўлі, у паляводстве. Вяла хатнюю гаспадарку, карміла - абмывала - выпраўляла на працу сваіх траіх мужчын. Добрых сыноў выхавалі яны з мужам, стараннымі і працавітымі выраслі ўнукі. Запаведзь, якой вучылі дзяцей - "Быць чалавекам - самае галоўнае" - хлопцы выконваюць. І жывуць не горш, чым у горадзе. Легкавая машына, дом з усімі выгодамі, камп'ютар, сучасная бытавая тэхніка - вось яны, атрыбуты многіх сённяшніх вясковых сем'яў. - Генадзь Мікалаевіч, Вы некалькі разоў падчас нашай размовы ўспаміналі Івана Ільіча Кузьміча… - Іван Ільіч доўга кіраваў калгасам. Для ўсіх нас быў прыкладам чалавечнасці, мудрасці, памяркоўнасці. Гады яго жыцця і старшынёўства пакінулі след у душы кожнага… Да слова, І.І.Кузьміч узначальваў "Беларусь" з 1976 да 1999 года, заслужаны работнік сельскай гаспадаркі рэспублікі. Цудоўна, калі ў моладзі ёсць такія мудрыя настаўнікі па жыцці - бацькі, кіраўнікі, што маладыя людзі ўмеюць прыслухоўвацца да парад, умеюць бачыць і пераймаць добрыя прыклады, што яны палюбілі родную зямлю і ўжо не ўяўляюць сябе асобна ад яе. Яны сталеюць, самі становяцца бацькамі і ўжо сваіх дзяцей вучаць гэтай простай і разам з тым каштоўнейшай ісціне.
На здымку:механізатары СВК «Грыцкевічы» бацька і сын Сяргей - Генадзь Мікалаевіч і Аляксандр (справа налева). На здымку: першы сакратар райкама БРСМ Вольга Сільвановіч уручае Аляксандру Сяргею падарунак падчас работы ў Грыцкевічах маладзёжнага перасоўнага шматпрофільнага цэнтра. | |
Категория: Оношки | Просмотров: 982 | Добавил: nesvizh1223 | Рейтинг: 5.0/1 | |
Всего комментариев: 0 | |