Альба [5] |
Бол. Лысица [4] |
Великая Липа [6] |
Городея [14] |
Грусково [2] |
Друцковщизна [1] |
Дубейки [2] |
Заозерье [1] |
Затурья [3] |
Заушье [1] |
Куноса [1] |
Лань [10] |
Леоновичи [17] |
Макаши [3] |
Мал. Быховщина [1] |
Малево [2] |
Мацилевщина [2] |
Нов. Новоселки [1] |
Оношки [8] |
Островки [3] |
Плешевичи [2] |
Погорельцы [1] |
Прости [2] |
Рудавка [1] |
Сейловичи [4] |
Славково [1] |
Снов [25] |
Солтановщина [3] |
Сычи [1] |
Ужанка [1] |
Юшевичи [5] |
Город Реутов, Московская область. Россия
Город Росолини, Область Сицилия, Италия
Город Пулавы, Люблинское воеводство, Польша
Город Злотув, Великопольское воеводство, Польша
Город Одолянов, Великопольское воеводство, Польша
Город Горис, Область Сюник, Армения
Город Лайхинген, земля Баден-Вюртембер, Германия
У сяброўстве з музамі | 14:42 |
Газета - №61-64 (10249-10252) Рубрика - Люди и судьбы 11 апреля 2011 Збіраючыся на сустрэчу з былым настаўнікам рускай мовы і літаратуры Сноўскай СШ Антонам Пятровічам Валевачом, якому заўтра споўніцца 90 гадоў, я доўга вырашала, якой тэме аддаць перавагу ў нашай гутарцы. Любові да дзяцей? Захапленню паэзіяй? Сакрэтам даўгалецця? Аказалася, што і гэта далёка не ўсё, чым можа падзяліцца гэты цікавы чалавек. Але спачатку - аб усім па парадку. Антон Пятровіч нарадзіўся ў Старых Навасёлках у звычайнай сялянскай сям'і, але з дзяцінства адчуваў прагу да навукі. Бацькі падтрымлівалі імкненне сына вучыцца, і ён паспяхова скончыў 7 класаў польскай школы. Імпэту дабавілася пасля прыходу Савецкай улады. У Стоў-бцах адкрыліся 6-месячныя настаўніц-кія курсы, якія, па прызнанні самога Антона Пятровіча, сталі трамплінам для ўсяго яго далейшага жыцця. Затым было Нясвіжскае педвучылішча і філфак Бел- дзяржуніверсітэта, але ўжо пасля Вялікай Айчыннай. Перад вайной малады настаўнік паспеў папрацаваць на Стаўбцоўшчыне - вёў злучаныя 1-ы і 3-і класы. Фашысцкая навала парушыла ход спакойнага і, здавалася, такога ўжо наладжанага жыцця. Гады вайны Антон Пятровіч і зараз не можа ўзгадваць без слёз. Разбурэнні, бамбёжкі, гібель старэйшага брата і многіх добрых знаёмых аднавяскоўцаў і зараз з болем жывуць ва ўспамінах. У 1944-м, пасля вызвалення Беларусі, ён, як і іншыя яго равеснікі, з'явіўся ў ваенкамат, развітаўшыся з бацькамі. Як тады здавалася, назаўсёды. І тут пачуў нечаканае: "Вас не возьмем". Аказалася, што выйшаў загад не браць на фронт настаўнікаў. Савецкая ўлада клапацілася аб падрастаючым пакаленні - трэба было вучыць дзяцей. Так у тым далёкім і вельмі няпростым 44-м Антон Пятровіч трапіў не на фронт, а ў Навасёлкаўскую пачатковую школу загадчыкам. Затым 4 гады ўзначальваў Высакаліпскую сямігодку, а ў 1954 годзе быў пераведзены настаўнікам рускай мовы і літаратуры ў Сноўскую сярэднюю школу, якой і прысвяціў 22 гады жыцця, працуючы і проста настаўнікам, і намеснікам дырэктара па вучэбнай рабоце. Захапленне літаратурай, асабліва паэзіяй, якое педагог з натхненнем перадаваў вучням, прывяло і яго самога да спробаў пісаць. Толькі падчас работы з дзецьмі, як прызнаўся мой суразмоўца, на вершы было вельмі мала часу. Лягчэй атрымлівалася проза - артыкулы Антона Пятровіча, прысвечаныя ў большасці сваёй школе і школьнаму жыццю, часта друкаваліся ў "раёнцы", а таксама ў газетах "Мінская праўда", "Настаўніцкая", часопісе "Народная асвета". Побач з любоўю да паэзіі ў яго душы з маленства жыла і вялікая любоў да музыкі. Дзякуючы аднаму з настаўнікаў польскай школы, які некалі за адну зіму навучыў вясковага хлапчука іграць на скрыпцы і растлумачыў нотную грамату, Антон Пятровіч захаваў прыхільнасць да гэтага інструмента на ўсё жыццё. Затым пакрысе асвоіў і іншыя, "заразіўшы" гэтым захапленнем і сваю сям'ю: жонку Галіну Казіміраўну навучыў іграць на гітары, сына Антона - на баяне, а Зыгмунда - на скрыпцы. Разам з роднымі часта ўдзельнічаў у конкурсах мастацкай самадзейнасці. Давялося нават выступаць у Мінску на рэспубліканскім аглядзе самадзейнай творчасці вясковай моладзі. Папуры з беларускіх народных песень і танцаў, што выконвала сям'я Валевачоў, нават гучала на рэспубліканскім радыё, якое давала рэпартаж з мерапрыемства. Актыўнымі ўдзель-нікамі мясцовай самадзейнасці былі і вучні Антона Пятровіча, якіх ён усяляк падтрымліваў у іх творчых пачынаннях. Так, у школе нават быў выдадзены зборнік з вучнёўскіх вершаў, надрукаваных на звычайнай машынцы, толькі ў настаўніка ён, на жаль, не захаваўся. Час, як вядома, няўмольны. Настала хвіліна расставання са школай, аб рабоце ў якой зараз нагадваюць шматлікія граматы і падзякі ад раённага і абласнога аддзелаў адукацыі, што беражліва захоў-ваюцца ў архіве сям'і. Аднак, няма, як кажуць, ліха без дабра. На пенсіі, як з усмешкай зазначыў Антон Пятровіч, стала больш часу для любімага захаплення, якое прывяло яго ў раённае літаратурна-музычнае аб,яднанне "Валошкі". - Музыка і паэзія - гэта тое, без чаго я не ўяўляю сабе жыцця, - сказаў мой суразмоўца ў нашай гутарцы. - Яны радуюць, падтрымліваюць. Кожны новы надрукаваны верш - сапраўднае свята для мяне. А калі яшчэ людзі гавораць, што любяць чытаць мае вершы, што яны кранаюць душу і абуджаюць добрыя пачуцці, то гэта для мяне - найвышэйшая ўхвала. Дарэчы, над вершамі Антон Пятровіч працуе доўга. Перакрэслівае, папраўляе. - Проста нейкі баласт не павінен ісці людзям, - лічыць ён. - Паэзія - справа тонкая, і каб крануць чыю-небудзь душу, твор павінен быць адпрацаваны. А на пытанне, як жа прыходзіць верш, адказаў не адразу. Задумаўся, вымавіў: - Гэта цяжка растлумачыць словамі. Гэта нешта незвычайнае. Вось узнікне нейкая думка, і з'яўляецца адчуванне, што трэба пра яе напісаць. Пакуль не напішаш - няма спакою. Як быццам сядзіць у зародышы нешта, чаму трэба выбрацца наверх, і толькі чакае штуршка, каб нарадзіцца ў словах. А бывае, нейкая знешняя падзея так закранае душу, што таксама з'яўляецца верш. Так, напрыклад, атрымаўся верш "Памяці М.А. Карчміта", дзе я выказаў сваё захапленне гэтым чалавекам і горыч ад яго страты. Дзеля справядлівасці трэба адзначыць, што адносіны паміж людзьмі і Вялікая Айчынная вайна - галоўная тэма ў творчасці Антона Пятровіча. І раскрывае ён іх (асабліва першую) вельмі разнастайна: то задуменна-элегічным радком, то палымяна-ўсхваляваным, а то і смяшліва-сатырычным. Але ў гэтым паважаны чытач зможа пераканацца і сам, пазнаёміўшыся з вершамі. Памятаючы пра "юбілейную" нагоду сваёй сустрэчы з Антонам Пятровічам, я, вядома ж, не магла не спытацца аб сакрэце яго даўгалецця. У чым ён - у пастаянным сяброўстве з музамі паэзіі і музыкі, у захапленні сваёй працай, ці яшчэ ў нейкіх з'явах жыцця? Адказ быў вельмі просты. Гэта - добрая сям'я. Антон Пятровіч і яго жонка Галіна Казіміраўна пражылі разам ужо 64 гады. Разам працавалі ў адной школе (ён - настаўнікам, а яна - бібліятэкарам), разам вялі хатнюю гаспадарку, разам выступалі на канцэртах, разам пасля выхаду на заслужаны адпачынак шмат гадоў хадзілі на групу здароўя, якую вялі тады ў сноўскай школе настаўнікі фізкультуры Аляксандр Шумейка і Аляксандр Компель. Гэту групу наведвалі не толькі настаўнікі-пенсіянеры, але і людзі іншых прафесій. Там тры разы на тыдзень займаліся гімнастычнымі практыкаваннямі, гулялі ў валейбол, плавалі ў басейне, атрымлівалі шмат карысных парад ад урача Аляксандра Махнача, які таксама хадзіў у групу. - І зараз мы кожную раніцу пачынаем з гімнастыкі, - сказаў Антон Пятровіч. - Жонка ў адным пакоі, я - у другім, каб не замінаць адно аднаму. Напэўна, усё гэта і тое, што паміж намі заўсёды былі павага, старанне саступіць, зразумець і падтрымаць адно аднаго, і дапамагло нам дажыць да гэтага дня. Усмешка Галіны Казіміраўны, якая са згодай ківала галавой у такт словам мужа, пацвердзіла, што ўсё сказанае - праўда. Яны выгадавалі двух цудоўных сыноў, старэйшы стаў спецыялістам у радыёэлектроніцы, малодшы - ваенным. Сыны падарылі бацькам чатырох унукаў, а тыя, у сваю чаргу, - пяцёра праўнукаў. Дарэчы, Антон Пятровіч і зараз прысвячае сваёй спадарожніцы жыцця вершы, чытаючы якія, цяжка здагадацца, што іх аўтару - дзевяць дзясяткаў гадоў. Не два, не тры, а дзевяць. Удумайцеся ў гэту лічбу. … А на развітанне Антон Пятровіч зайграў па маёй просьбе на скрыпцы. Гучалі родныя беларускія мелодыі - то заліхвацкі танцавальныя, то задуменна лірычныя - але на самай справе аднолькавыя ў галоўным: скрыпка спявала мелодыю Любові і Жыцця, якія, па вялікім рахунку, працягваюцца бясконца і не існуюць адно без аднаго. Соф'я ЛЮБАНЕЦ Фота з сямейнага альбома | |
Категория: Снов | Просмотров: 753 | Добавил: nesvizh1223 | Рейтинг: 5.0/1 | |
Всего комментариев: 0 | |