Сёлета спаўняецца 30 гадоў, як у ЗАТ "1 Мая"  прыйшоў працаваць вадзіцелем Анатоль Канстанцінавіч Макаўчык. За гэты час ён набыў  багаты вопыт работы і заваяваў  аўтарытэт у калектыве. Ад-працаваўшы нямала гадоў  на ГАЗ-53, адным з першых у 2004 годзе атрымаў  новую машыну - МАЗ-555-102, на якім і сёння паспяхова  выконвае ўсе заданні.

У дзень, калі быў зроблены здымак, Анатоль Канстанцінавіч  адвозіў зялёную масу на ўборцы кукурузы. Падчас жніва  працаваў  на адвозцы збожжа ад камбайнаў. Зараз возіць салодкі корань  на Гарадзейскі цукровы камбінат. Зімой звычайна дастаўляе мінеральныя  і арганічныя ўгнаенні на палі. Даводзіцца бываць у рэйсах не толькі па раёне, але і ў іншых абласцях.

І кіраўніцтва, і таварышы па працы  ведаюць: куды б ні накіравалі Анатоля Канстанцінавіча, што б ні даручылі - ён не падвядзе.