Город Реутов, Московская область. Россия
Город Росолини, Область Сицилия, Италия
Город Пулавы, Люблинское воеводство, Польша
Город Злотув, Великопольское воеводство, Польша
Город Одолянов, Великопольское воеводство, Польша
Город Горис, Область Сюник, Армения
Город Лайхинген, земля Баден-Вюртембер, Германия
Для вяртання былой прыгажосці | 04:52 |
Гэтым
летам пачаліся работы па рэканструкцыі лесапарка Альба, які з’яўляецца
помнікам прыроды рэспубліканскага значэння. Распрацаваны два праекты.
Першы — на капітальны рамонт і ачыстку меліярацыйнай сеткі і русла
рэчкі Уша, што ў асноўным зроблена. Выдзеленыя на 2008 год 262 млн.
рублёў асвоены. Работы выконваюць ДУП “Нясвіжскае ПМС” і Клецкі
лясгас, якому належыць Альба. Уша ачышчана на працягу 2,7 км, а
каналы-асушальнікі — на 2 км. Пабудавана 5 гідратэхнічных збудаванняў,
тры з якіх будуць служыць менавіта для рэгуліроўкі ўзроўню вады ў
сажалках. Высечаны кустарнікі на 14 км каналаў, якія не патрабуюць
расчысткі. Як адзначыў дырэктар ДУП “Нясвіжскае ПМС” В.П.Лабаза, на сённяшні дзень мэту работ можна лічыць дасягнутай — узровень вады панізіўся да метра. Калі раней русла ракі амаль не было відаць з-за наваленых там дрэў і кустарнікаў, якія высыхалі з-за пераўвільгатнення глебы, то зараз ужо відны рака і яе берагі. У наступным годзе пачнуца работы па ачыстцы сажалак, на якія таксама распрацаваны праект, узгоднены з Міністэрствам прыродных рэсурсаў і аховы навакольнага асяроддзя. На 2009 год запланаваны і пошукавыя работы па ўстанаўленні месцаў знаходжання тых збудаванняў, якімі славіўся парк Альба пры Радзівілах, — палаца Кансаляцыя, альтанкі і г.д. Плануецца таксама ўзнавіць былую сістэму каналаў з магчымым аднаўленнем вадзянога млына, каб запоўніць гэтыя каналы вадой даверху. Перад ачысткай сажалкі будуць асушацца, і гэта мерапрыемства, на думку начальніка Нясвіжскай раённай інспекцыі па ахове прыродных рэсурсаў і навакольнага асяроддзя М.М.Чычко, не павінна шкодна паўплываць на ўзровень грунтовых вод у Альбе, таму што на сённяшні дзень больш 250 га лесапарка падтоплены звыш нормы. У наступным годзе сіламі меліяратараў будзе выдалена каля 7000 кубічных метраў грунта, адкосы каналаў засеюць травой. Соф’я ЛЮБАНЕЦ | |
Просмотров: 671 | Добавил: nesvizh1223 | Рейтинг: 5.0/1 | |