Главная » 2009 » Февраль » 13 » Нарадзілася Уршуля Радзівіл, беларуская асветніца і драматург.
Нарадзілася Уршуля Радзівіл, беларуская асветніца і драматург.
09:58
13 лютага 1705года
Францішка
Уршуля Радзівіл (1705 – 1753) – пісьменніца, педагог, тэатральная
дзяячка. Паходзіла з роду Вішнявецкіх. Яе бацька Януш Антоні
Карыбут-Вішнявецкі пісаў духоўныя трактаты, панегірыкі. Атрымала добрую
хатнюю адукацыю, з дзяцінства захаплялася паэзіяй і тэатрам. У 1725 г.
выйшла замуж за нясвіжскага ардыната Міхала Казіміра Радзівіла
Рыбаньку. Штогод нараджала дзяцей. Муж актыўна займаўся палітыкай,
Францішка Уршуля – асветніцкай дзейнасцю. Упарадкавала і павялічыла
бібліятэку ў Нясвіжы да 9 000 тамоў, аднавіла друкарню.
Творы
першага пэрыяду, так званага паэтычна-эпісталярнага, былі
карэспандэнцыяй з мужам, які часта знаходзіўся па-за домам. У творчасці
дамінуе тэма кахання. Пасля страты некалькіх дзяцей пісала эпітафіі. У
1732 г., пасля нараджэння першай дачкі, Францішка Уршуля напісала
«Перасцярогі збавенныя… дачцэ сваёй Ганне Марыі…» (выдадзеныя ў 1753 г.
у Нясвіжскай друкарні). Асновы маральнага выхавання выклала таксама ў
іншых «Перасцярогах», празаічных трактатах «Пра ўзаемныя абавязкі
мужчыны і жанчыны», «Пра шлюб», «Парады для кожнай жонкі…», «Адказы
жонкі мужу». У 1746 г. склала 22 вершаваныя загадкі, якія ўвайшлі ў
выдадзеную ў 1754 г. кнігу «Камедыі і трагедыі…».
Другі пэрыяд
творчасці (1746 – 1752) прысвечаны тэатральнай дзейнасці. З дапамогай
тэатру Францішка Уршуля ўплывала на маральнае выхаванне і фармаванне
духоўнага і культурнага клімату ў сваім асяроддзі. Першыя п’есы
«Дасціпнае каханне» і «Справа Боскай наканаванасці» паклалі пачатак
складанню рэпэртуару для нясвіжскага тэатру. Антычныя матывы
пакладзеныя ў аснову камэдый «Каханне – зацікаўлены суддзя», «У вачах
нараджаецца каханне», «Адпачынак пасля клопатаў», «Гульня фартуны».
Сюжэты п’ес «Распуснікі ў пастцы» і «Суддзя, пазбаўлены розуму» (1751)
запазычаныя з «Тысячы і адной ночы» і заснаваныя на прыёмах камедыі
dell’arte. Напісала некалькі опер. Францішка Уршуля перакладала і
ставіла на нясвіжскай сцэне п’есы Мальера, перарабляючы традыцыйныя
сюжэты адпаведна ўласнай маральна-эстэтычнай канцэпцыі. Першая
жанчына-драматург у ВКЛ спрычынілася да развіцця культуры, літаратуры,
тэатру.