НЕСВИЖ - ТАЙНА ИСТОРИИ.

У раённым Цэнтры культуры і адпачынку прайшоў гарадскі конкурс сярод юнакоў "Містар Нясвіж-2010". Удзел у ім прынялі шасцёра маладых людзей, якія прадставілі свае ўстановы адукацыі.

У першым конкурсе - "Дэфіле" - яны прадэманстравалі ўменне трымацца на сцэне і адразу пакарылі сэрцы гледачоў, асабліва дзяўчат. На другім этапе - "Будзем знаёмы" - удзельнікі, кожны ў сваёй непаўторнай і своеасаблівай форме, расказалі пра сябе. Кем-лівасць і знаходлівасць кожнага праявіліся падчас конкурсу "Я ўсё ведаю", дзе неабходна было знайсці выйсце ў неардынарных сітуацыях. Наступны этап - "У цырульніка" - выявіў, што юнакі - выдатныя стылісты і цырульнікі. Апошнім стаў конкурс "Тайм-аут", падчас якога ўдзельнікам неабходна было найлепш увайсці ў вобраз любімага выканаўцы.

Безумоўна, журы было складана аддаць каму-небудзь перавагу. Але ўсё-такі, у выніку пераможцам стаў прадстаўнік Нясвіжскага дзяржаўнага каледжа імя Якуба Коласа Аляксей Садоўскі, "Містар-стыльнасць" - Антон Зубкоў, "Містар-арыгінальнасць" - Андрэй Бярозка, "Містар-знаходлівасць" - Уладзіслаў Каралёў, "Містар-галантнасць" - Яўген Паўловіч, "Містар-артыстычнасць" - Андрэй Сцяпура.

Усе ўдзельнікі конкурсу атрымалі каштоўныя падарункі ад арганізатараў - аддзела па справах моладзі райвыканкама і РК ГА "БРСМ".