Вы вошли как Турист
Группа "Гости"Приветствую Вас Турист!
Пятница, 28.02.2020, 18:32
Главная | Мой профиль | Регистрация | Выход | Вход | RSS

Праздники сегодня

Праздники сегодня

Наш опрос

Оцените мой сайт
Всего ответов: 233

Форма входа

Поиск

Календарь

«  Март 2011  »
ПнВтСрЧтПтСбВс
 123456
78910111213
14151617181920
21222324252627
28293031

ФОТО

Национальный банк

Статистика


Онлайн всего: 1
Гостей: 1
Пользователей: 0
Главная » 2011 » Март » 16 » На Ленінскай “вырастуць” таршэры, а ў гасцініцы — ліфт з празрыстымі сценамі
На Ленінскай “вырастуць” таршэры, а ў гасцініцы — ліфт з празрыстымі сценамі
15:29
Гасцініца "прырасце" на мансарду

Усё цячэ, усё мяняецца. Гэтая крылатая фраза вельмі  дарэчы падыходзіць і да жыцця нашага горада. Ён паступова, але ўпэўнена мяняе свой выгляд у  лепшы бок. І побач з помнікамі дойлідства мінулых вякоў яскрава выступаюць абрысы сучаснасці, навізны,  свежай творчай думкі.

Аб самых апошніх змяненнях у гарадскіх кварталах сёння і раскажа ў інтэрв'ю нашаму карэспандэнту  намеснік  старшыні райвыканкама па будаўніцтве, жыллёва-камунальнай  гаспадарцы і  пытаннях горада М.В. АФАНАСІК.

- Міхаіл Вікенцьевіч, ёсць  такі выраз - "па чутках і на справе". Вось, напрыклад,  мы чулі, што будзе праводзіцца  рэканструкцыя нясвіжскай аўтастанцыі. Хацелася б ведаць дакладней і чытачам нашым  расказаць…

- Так, сапраўды, праектна-каштарысная  дакументацыя  на рэканструкцыю  падрыхтавана. Мінаблвыканкам выдзеліў 2,3 мільярда рублёў на першую чаргу аб'екта.

Рэканструкцыя прадугледжвае  прыбудаванне да існуючай  аўта-станцыі 2-павярховага корпуса, дзе будуць маленькі рэстаранчык з буфетам, зала чакання, пакой адпачынку, пакой для  маці з дзецьмі. У памяшканні размесцяцца сучасныя  прыбіральні.  Камфортныя ўмовы створыць добрая топачная. Пасадачныя аўтобусныя пляцоўкі перанясуць на  процілеглы бок - да вулі-цы 1 Мая. А з боку вуліцы Савецкай створым аўтамабільныя стаянкі. Гэта патрэбна для таго,  каб выключыць  праезд  аўтамабіляў да суседніх магазінаў праз тэрыторыю  аўтастанцыі, каб траекторыя іх руху  не перасякалася з рухам аўтобусаў, не стварала апошнім перашкод. У новым праекце  гэта  выключана.

Праектнае рашэнне рэканструкцыі аўтастанцыі.

- На час рэканструкцыі куды "пераедзе" аўтастанцыя?

- Мы са старшынёй райвыканкама  І.І. Крупко аб'ехалі горад, агледзелі месцы і папярэдне спыніліся на тэрыторыі былой  вайсковай часці  па вулі-цы Гейсіка, дзе яшчэ нядаўна знахо-дзілася вытворчая  база ДЭУ № 65. Усё-такі гэта цэнтр горада. Мы паглядзелі былыя мехмайстэрні - там можна зрабіць  бягучы рамонт, адвесці памяшканні для кас, для невялікай залы чакання, для тэхперсаналу. А ўсе аўтобусы і пасадачныя  месцы размяркуюцца побач на асфальтавай пляцоўцы, што знаходзіцца  на балансе  ад-дзела   фізкультуры, спорту і турызму райвыканкама. Адсюль рэйсавыя аўтобусы змогуць выязджаць з горада праз вуліцу  Міцкевіча або праз вуліцу Саўгасную - у залежнасці ад  маршруту. Нязручнасці гэтыя часовыя, на перыяд рэканструкцыі.

- Часткова агароджана гасцініца  на вуліцы Беларускай. Якія там распачаты работы?

- Варта нагадаць, што гасцініца "прырасце" на мансарду. Таму давялося ўзмацняць фундамент. Пакуль  выконваем тую частку работ, якую можна  весці, не зачыняючы гасцініцу і рэстаран.  Закончылі ўзмацненне ўсяго падвала, поўнасцю залілі новыя сцяжкі. Робяцца новы цеплавы вузел, новая  электрашчытавая, на ўсіх паверхах  манціруецца  новае электраабсталяванне.

Цяпер ля гасцініцы агароджана пляцоўка, дзе пойдзе ўзвядзенне 3-павярховага будынка з  мансардай - там размесціцца ліфтавая гаспадарка адкрытага тыпу. Генпадрадчыкам на гэтым аб'екце з'яўляецца ПМК-217.  У яго ёсць субпадрадчык. Частку работ  уласнымі сіламі  выконвае таксама будаўнічы ўчастак УП "Нясвіжская ЖКГ".

Праектнае рашэнне рэканструкцыі гасцініцы.

- Сёлетняй зімой моцна пацярпела асфальтавае  пакрыццё дарог. Шмат ямак, адкуль з-пад колаў машын  брудныя пырскі вады  ляцяць на пешаходаў, на блізкія дамы.  Ды і аўтамабілісты абураюцца: падвеска "ляціць"… Калі  пачнецца ямачны рамонт дарог?

- З другой палавіны сакавіка часткова запрацуе асфальтавы завод ДРБУ № 168. І пачнём ямачны рамонт. Па кожнай вуліцы  будзе скла-дзены  дэфектны акт. А на сёння ўжо ёсць пералік вуліц, дзе пракладваліся інжынерныя сеткі, выконваліся іх урэзкі ў дамы, ад чаго дарожнае  пакрыццё пацярпела і не адноўлена. Так што зрабіць давядзецца шмат.

- А на вуліцы  Ленінскай,  ля былога Дома культуры "Камунальнік", агароджу, наадварот,  прынялі…

- Тут будзе разбіты сквер, пабудуем стаянку для аўтамашын. Падпорныя сценкі  будуць выкананы з  бесераўскага каменю. Простую водаразборную  калонку, што стаіць насупраць павароту  на малаказавод, заменім больш цікавай, з  даўняга чыгуннага ліцця.  Паставім альтанку ў стыле рэтра. Гэтае месца зменіць свой  выгляд кардынальна.

Гутарыла Тамара ПРАЛЬ-ГУЛЬ

НН

Просмотров: 454 | Добавил: nesvizh1223 | Рейтинг: 5.0/2 |