НЕСВИЖ - ТАЙНА ИСТОРИИ.

У наступным годзе спаўняецца 20 гадоў сяброўскім адносінам паміж Нясвіжам і нямецкім Лайхінгенам. За гэты час таварыствам сяброўства зроблена вялікая работа па гуманітарнай дапамозе спецыяльным установам і асобам, якім такая дапамога была асабліва неабходна.

- Несвіжане шчыра дзякуюць сваім партнёрам з Лайхінгена і спадзяюцца на далейшае супрацоўніцтва і пашырэнне кола зносін, - зазначыў старшыня Няс-віжскага райвыканкама Іван Крупко падчас афіцыйнай сустрэчы з нямецкімі сябрамі, якая адбылася ў аўторак, 10 мая.

Дэлегацыя Лайхінгена, якую ўзначальвае старшыня рэгіянальнай групы таварыства "Захад-Усход" Іаахім Клаус, на гэтым тыдні плануе наведаць Гарадзейскую школу-інтэрнат для дзяцей-сірот і дзяцей, што заста-ліся без клопату бацькоў, цэнтральную раённую бальніцу і іншыя аб'екты, для якіх падрыхтавана гуманітарная дапамога.

Нямецкім сябрам падчас іх знаходжання ў Нясвіжы прапанавана разнастайная культурная праграма, дзякуючы якой яны паглыбяць сваё знаёмства з Нясвіжам і іншымі славутасцямі Беларусі.