НЕСВИЖ - ТАЙНА ИСТОРИИ.

У верасні 1996 года ў выніку зліцця двух  творчых калектываў Нясвіжскай дзіцячай  музычнай школы - інструментальнага ансамбля "Лявоны"  і жаночай вакальнай групы  - утварыўся ансамбль народнай  музыкі і песні "Зараніца", якім у той час кіравала Галіна Акіф'ева. Праз пяць гадоў калектыву было прысвоена званне "народны".

Ансамбль займае асаблівае месца ў культурным жыцці раёна, пастаянна ўдзельнічае ў міжнародных фестывалях за межамі Беларусі, пашыраючы кола людзей, улюбёных у народную музыку.

Пяць гадоў таму  калектыў  выкладчыкаў Нясвіжскай дзіцячай школы мастацтваў "Зараніца"  ўзначаліў Леанід Шышко.

Ансамбль і сёння мае  вялікія творчыя планы, імкнецца прадоўжыць  пошук свайго індывідуальнага шляху ў вывучэнні і захаванні разнастайнай беларускай і славянскай песеннай культуры.

За актыўны ўдзел у рэспубліканскіх, абласных і раённых  мерапрыемствах і прапаганду  народнай музыкі і песні на раённым  мерапрыемстве, прысвечаным  Дню работнікаў культуры,  ансамбль народнай  музыкі і песні "Зараніца" ўзнагароджаны  граматай аддзела  культуры.