У першым радзе сярод гледачоў на Ратушнай плошчы - галоўныя героі свята, ветэраны Вялікай Айчыннай вайны |
У сераду Рэспубліка Беларусь святкавала День Незалежнасці і 69-ю гадавіну з дня Вызвалення ад фашысцкіх захопнікаў у Вялікай Айчыннай вайне, а наш славуты горад адзначаў юбілей - 790-ю гадавіну свайго існавання на карце свету. Раздзяліць свята з жыхарамі Нясвіжчыны прыбылі пачэсныя госці: старшыня Мінскага абласнога камітэта каму-ністычнай партыі Беларусі, старшыня каардынацыйнага савета грамадскіх аб'яднанняў Мінскай вобласці Марыя Мікалаеўна Худая, генеральны дырэктар Беларускага дзяржаўнага аб'яднання па племянной жывёлагадоўлі Анатоль Коршун, былы старшыня Нясвіжскага раённага выканаўчага камітэта Мікалай Жук, а таксама дэлегацыі з гарадоў-пабрацімаў. Так, з Расіі прыбыла дэлегацыя горада Гатчына на чале з першым намеснікам кіраў-ніка адміністрацыі Гатчынскага муніцыпальнага раёна Уладзімірам Норкіным, з Арменіі - горада Горыс - на чале з намеснікам мэра горада Цігранам Бархударанам.
З Украіны - горада Бояркі - на чале са старшынёй Боярскага гарадскога Савета Тарасам Дабрыўскім, з Літвы - горада Біржай - на чале з мэрам самакіравання Біржайскага раёна Ірутэ Варзіене і горада Радвілішкіс - на чале з віцэ-мэрам Радвілішскага раёна Казімерасам Аугулісам, з Латвіі - горада Ауцэ - на чале са старшынёй Думы Ауцэскага краю Гінсам Камінскісам. Прыбылі на свята і сябры з ізраільскага горада Кармэль на чале з прэзідэнтам Кармэль каледжа доктарам Акрамам Хассанам, з нямецкага горада Лайхінгена - дэлегацыя на чале з бургамістрам Клаусам Кауфманам, з польскага Тарнува на чале са старастам Тарнуўскага павета Раманам Лукашам і горада Пулавы - дэлегацыя на чале з віцэ-старшынёй Рады Эльжбэтай Шыманьскай.
Свята пачыналася ўрачыстым шэсцем ад РЦК і А і разгортвалася на трох пляцоўках - на Ратушнай плошчы, у скверы па вуліцы Слуцкай і ля помніка Сымону Буднаму.
Вашай увазе - фотарэпартаж са святочных мерапрыемстваў.
Выступленне ан-самбля мажарэтак РЦК і А пад кіраўніцтвам Кацярыны Лабазы па традыцыі ўпрыгожыла святочнае мерапрыемства на Ратушнай плошчы
У святочнай калоне - прадстаўнікі працоўнага калектыву раённага ўпраўлення "Нясвіжрайгаз"
Святочная плошча Нясвіжа ў дзень вызвалення Беларусі ад нямецка-фашысцкіх захопнікаў сабрала людзей розных пакаленняў. Ветэрана Вялікай Айчыннай вайны Мітрафана Мікалаевіча Казачонка суправаджала на свяце сям'я ўнучкі
Са святам усіх, хто сабраўся на плошчы, віншуюць дэлегацыі гарадоў-пабрацімаў Нясвіжа
На сцэне на Ратушнай плошчы - Ганаровыя грамадзяне Нясвіжа. Ва ўрачыстай абстаноўцы ўпершыню было аб,яўлена аб прысваенні гэтага звання дырэктару ААТ "Гарадзейскі цукровы камбінат" Міхаілу Крыштаповічу (другі справа) за значны асабісты ўклад у сацыяльна-эканамічнае развіццё раёна і ўмацаванне прамысловай вытворчасці, паэтцы, ураджэнцы Нясвіжа, грамадзянцы Рэспублікі Польшча Станіславе Вятр-Партыка (першая справа) за актыўную літаратурную, грамадскую і асветніцкую дзейнасць, шырокую прапаганду за мяжой беларускай гісторыі, культуры, архітэктурнай спадчыны Нясвіжа і былому намесніку начальніка Нясвіжскага РАУС Мікалаю Шымко за мужнасць і адвагу, праяўленыя пры затрыманні асабліва небяспечнага злачынцы ў 1963 годзе (пасмяротна). Пасведчанне аб прысваенні ганаровага звання атрымалі дзеці героя - Галіна і Міхаіл (першыя злева). На сцэну таксама былі запрошаны Ганаровыя грамадзяне Нясвіжа: былы кіраўнік ААТ "Новае жыццё" Міхаіл Саленік і старшыня Мінскага абласнога камітэта камуністычнай партыі Беларусі, старшыня каардынацыйнага савета грамадскіх аб'яднанняў Мінскай вобласці Марыя Худая.
У гэты ж дзень было аб,яўлена аб прысваенні звання «Ганаровы грамадзянін Нясвіжа» старшыні СВК «Агракамбінат Сноў» Мікалаю Радаману за значны асабісты ўклад ва ўмацаванне эканамічнага патэнцыялу Нясвіжчыны, прапаганду інавацыйных ідэй.
Старшыня Нясвіжскага райвыканкама Іван Крупко ўручае памятны падарунак з нагоды 90-гадовага юбілею адной са старэйшых жыхарак Нясвіжа, ветэрану Вялікай Айчыннай вайны Надзеі Арсенневай, якая ў свой час прайшла працоўны шлях ад настаўніцы да намесніка старшыні райвыканкама, прымала непасрэдны ўдзел у пасляваенным аднаўленні горада. Надзея Мікалаеўна ўзнагароджана ордэнам Айчыннай вайны 2-й ступені, юбілейнымі медалямі, медалём "За доблесную працу"
Святочная фанфара абвясціла наступленне юбілею горада. Старажытнаму і вечна маладому Нясвіжу - 790 гадоў
Старонкі гісторыі роду Радзівілаў удзельнікам свята дапамагалі "чытаць" акцёры Заслужанага аматарскага калектыву тэатра імя Уршулі Радзівіл РЦКіА
Гімн горада ў выкананні лепшых творчых калектываў раёна стаў сапраўднай кульмінацыяй афіцыйнай часткі свята
Свята было радасным для ўсіх - і для дарослых, і для самых юных жыхароў Нясвіжа
"Ляці высока, шарык!"
Доўгачаканае адкрыццё гарадскога фантана стала сапраўдным святам для несвіжан усіх узростаў
(Працяг святочнага рэпартажу - у наступных нумарах «НН»).
Соф'я ЛЮБАНЕЦ
Святлана ПОЛЬСКАЯ