06 Сентября 2008 AD, «Интересное» Тры доўгія вясновыя месяцы я малявала ў падарунак адному чалавеку копію знакамітай мапы Вялікага княства Літоўскага, так званай “Радзівілаўкі” Тамаша Макоўскага. На дарагой італійскай паперы, ў адмысловым багеце, яна атрымалася, падаецца, вельмі няблага. Толькі вось на той час, як праца над сіім шэдэўрам была скончаная, падарунак выяўляўся ўжо недарэчным, таму Radziwiłłowska засталася са мною. А неўзабаве зьехала ў Летуву да новага гаспадара, які быў зайшоўшы ў Менску на госьці ды надта ж яе ўпадабаў. І вось сёньня прыходзіць мне адтуль замова на яшчэ адну копію... Нішто сабе паварот падзеяў, віленчукі замаўляюць у Менску мапу ВКЛ. Нешта ў гэтым ёсьць знакавае. А яшчэ адну варыяцыю на тэму за аўтарствам мастака Чыстага можна будзе ўбачыць як экспанат выставы ў палаца-паркавым комплексе Радзівілаў. Пам-парам! Першы пускавы комплекс Нясьвіжскага замку ўрачыста адчыняе свае дзьверы для наведвальнікаў 26 верасьня. І вось яна якая там: Аўтар, гравёр Тамаш Макоўскі працаваў у 1600 – 1611 гг. пры двары князя М.К. Радзівіла Сіроткі ў Нясьвіжы, кіраваў мясцоваю друкарняю, дзе ў 1603 годзе і ўбачыла сьвет першая дакладная мапа Вялікага княства Літоўскага. Да нашых часоў захавалася яе перавыданьне - 1613 год, Амстэрдам . Пан Макоўскі склаў таксама тлумачальны тэкст, дзе даў агульную характарыстыку краю ( цяпер захоўваецца ў бібліятэцы Віленскага ўніверсітэта ). Для маштабу - тут я ўчапімшыся, так хацелася забраць з сабою... Источник: juli_erde
Категория: Интересно почитать \| Добавил: nesvizh1223 (28.10.2008)
Просмотров: 1119 \| Рейтинг: 5.0/1 \|

Всего комментариев: 0


Имя *:
Email *:

Код *: