radziwill_by
Пазаўчора ў "Кніжным свеце" прайшла прэзентацыя каталога, якога, прынамсі, я чакаў вельмі даўно, бо праект той па неаднаразовых обяцаннях  навукоўцаў распачаўся гады і гады таму, і, ўрэшце, давялося пабачыць.  Тут я маю на ўвазе выданне каталога кніг з нясвіжскай замкавай бібліятэкі Радзівілаў, якія воляй лесу апынуліся ў розных бібліятэках краіны, але ж большай сваей часткай--ў фондзе рэдкай кнігі бібліятэкі Акадэміі Навук Беларусі.Ну і вось, прайшло колькі гадоў з часу першага ўсведамлення бібліеграфамі таго, што радзівілаўскую кніжную спадчыну, і гэтак невялікую, няправільна найдалей хаваць ў зачыненых шафах, а трэба неяк дэманстраваць зацікаўленым беларускай культурай.
Такім чынам, можна сказаць, што "першыя ластаўкі" ў колькасці 500 паасобнікаў  паспяхова выляцелі з-пад змрочных шатаў "спецхранаў" і чакаюць, усе яшчэ чакаюць сваіх новых ўладальнікаў у "Кніжным свеце". Магу сказаць, што выдане аформлена вельмі прыстойна і якасна і на 80% складаецца з добрых фотаздымкаў радзівілаўскіх кніг. Круху расчаравала, што ў зборнік увайшлі пакуль толькі 27 выданняў княжацкай бібліятэкі (прынамсі я меркаваў пабачыць больш). Не парадваў, таксама кошт кнігі--50 000 рублеў за каля 200 старонак. Але ж складальнікі выдання дарэчы нагадалі, што гэта толькі першы том з пяці запланаваных, і ў яго ўвайшлі самыя каштоўныя радзівілаўскія кнігі 15-16 стагоддзя. Што ж, будзма чакаць наступных тамоў і спадзявацца, што пабачым іх нашмат хутчэй за першы.