Свята вёскі… Што значыць яно для чалавека? Мерапрыемства, якое аб'ядноўвае людзей сталага ўзросту і маленькіх, аб'ядноўвае прафесіі настаўніка і жывёлавода, аб'ядноўвае суседзяў і лёсы… Свята вёскі дорыць цяпло чалавечых зносін, а іншы раз дае магчымасць па-новаму зірнуць на таго, хто побач з табой жыве доўгія гады, шчыра працуе, гадуе дзяцей, умела пячэ караваі або разводзіць кветкі, якія радуюць вока.

Свята вёскі Юшавічы наладжвалася не проста так. Вёска славіцца людзьмі працы, добрымі гаспадарамі, гаспадынямі і дружнымі суседзямі. Аднавяскоўцы разам адзначаюць святы, разам сустракаюць сумныя весткі, разам спраўляюць вяселлі…

Чаму свята ладзілася восенню? Бо завершана жніво. Сабраны хлеб і ёсць хвіліна вольнага часу ў хлебаробаў.

Такая яна, асенняя пара, вось ужо 40 гадоў і для Веры Дзмітрыеўны Макаўчык - жанчыны, чыя праца на калгаснай ніве адзна ... Читать дальше »